هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مشهد من فيلم كوميدى

اذهب الى الأسفل

مشهد من فيلم كوميدى  Empty مشهد من فيلم كوميدى

مُساهمة  محمد الاسكندرانى الإثنين يناير 23, 2012 6:33 pm

ده مشهد من الفيلم الكوميدى الذى أقوم بكتابته حاليا

مشهد
نهار / داخلى / دار فلاحى
ندخل إلى الدارلنتعرف على مجموعة الشخصيات المتواجدة فى الدار طارق و عفت يجلسان على دكة فى منتصف الغرفة .. بينما على يمين ويسارالدكة هناك مجموعة كبيرة من الكراسى المتراصة .. على اليمين تجلس عائلة الحاج حميدة وعلى اليسار تجلس عائلة الحاج صافى ..

الحاج حميدة : يرضيك يا أستاذ طارق تبقى بنت من عيلتنا ماشية فى الشارع وشاب من عيلة الحاج صافى يعاكسها
طارق : مين بالظبط إللى عاكسها
الحاج حميدة : الواد فريد
( محدثا فريد وهوشاب فى العشرينات من عمره يجلس وسط عائلة الحاج صافى )
طارق : الكلام إللى بيقوله الحاج حميدة ده حصل
فريد : لا محصلش
( بغضب )
الحاج حميدة : إزاى محصلش .. والناس إللى شافتك
الحاج صافى : إهدا يا حاج حميدة
( محدثا فريد )
الحاج صافى : ولا يا فريد
فريد : نعم يا حاج
الحاج صافى : الكلام ده حصل ولا محصلش
( فريد مترددا )
الحاج صافى : من غير كدب حصل ولا محصلش
فريد : حصل
الحاج صافى : قولتلها إيه ..؟؟
( بتردد )
فريد : قولتلها
الحاج صافى : قول قولتلها إيه
فريد : قولتلها إيه الجمال والحلاوة دى
( موجها كلامه للحاج صافى )
طارق : بعد ما إتأكدنا إنه حصل .. عايزنى أنا أحكم بينكم
الحاج صافى : وإحنا هنلاقى أحسن منك يا أستاذ طارق يحكم بينا
طارق : طب لو عايزنى أحكم بينكم لازم تنفذوا شرطى الأول
( الحاج حميدة والحاج صافى فى صوتا واحد )
الحاج حميدة و الحاج صافى : موافقين
طارق : مش لما تعرفوه الأول
الحاج حميدة : من غيرمانعرف
طارق : يبقى أول حاجة تعملوها إنكم تجيبوا البنت إللى فريد عاكسها أودامى هنا
( منصور أحد أفراد عائلة الحاج حميدة فى الثلاثينات من عمره )
منصور : إيه إللى أنت بتقوله ده
( صارخا بغضب )
الحاج حميدة : ولا كلمة .. حد يخرج يجيب البنت
( أحد أفراد العائلة يخرج .. ثوانى ويدخل ومعه فتاة ترتدى ملابس محتشمة لا يظهر منها غير يديها )
طارق : إنتوا عايزينى أحكم بالعدل
الحاج صافى : طبعا يا أستاذ طارق
طارق : يبقى لازم أشوف وشها
منصور : أنت إتجننت يا أستاذ طارق ولا إيه ..؟؟
( صارخا فى منصور )
الحاج حميدة : واد يا منصور ياتقعد زى البلغة إللى أنت لابسة دى يا تمشى
( منصور يجلس متخوفا )
الحاج حميدة : أنا أسف يا أستاذ طارق حقك عليا
طارق : خلاص يا حاج مفيش حاجة
( الحاج حميدة للفتاة )
الحاج حميدة : عارى وشك يا بت
( الفتاة ترفع غطاء الوجه .. ينكشف الغطاء عن وجه قبيح وعينين محولاتان وانف كبيرة الحجم وفم ذو إتساع كبير والأسنان بارزة منه .. عفت ينفزع عند رؤيتها )
عفت : أعوذ بالله من الشيطان الرجيم
( طارق يلكز عفت فى كتفه )
الحاج حميدة : خلاص يا بت غطى وشك وأخرجى إنتى
( تخرج الفتاة )
طارق : طيب بما إننا إتأكدنا إنه عاكسها أنا حكمى أنه يتجوزها .. قولت إيه يا حاج حميدة ..؟؟
الحاج حميدة : موافق
طارق : وأنت حاج صافى
الحاج صافى : وأنا أقدر أتانيلك كلمة
طارق : يبقى نقرا الفاتحة
( الجميع يقرئون الفاتحة .. ونرى أثناء قراءة الفاتحة فريد ويكاد أن يبكى .. ينتهون من قراءة الفاتحة .. يقف طارق ويتبعه عفت )
طارق : طب إحنا نستأذن
الحاج حميدة : ما إنتوا قاعدين مشرفنا
طارق : معلش علشان عندنا مشاغل تانية
الحاج حميدة : بس إن شاء الله هتشرفونا فى الفرح
( وأثناء مصافحة طارق وعفت للجميع إستعداد للذهاب يميل عفت على فريد ويهمس فى أذنه )
عفت : ده أخرت الكدب
محمد الاسكندرانى
محمد الاسكندرانى
عضو

عدد المساهمات : 199
تاريخ التسجيل : 05/03/2010
الموقع : أم الدنيا / عروس البحر الأبيض المتوسط

https://www.facebook.com/profile.php?id=100000623811320

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى