فكرة مشهد لسيت كوم كوميدى جديدة

Sami20 الأربعاء فبراير 13, 2013 4:18 pm

عنوان المشهد (الشيخة سعدية)

الشيخة سعدية هى محفظة قرأن فاتحة مركز (كوتاب) يعنى وهيه أمرأة سمينة القوام عمرها يقترب من الخمسين عاما فاتحة كوتاب لتعليم الستات القراءة والكتابة وكمان بتحفظهم القرأن
تنادى الشيخة على بدرية: وبدرية دى طبعا واحدة ست من ضمن الستات اللى عندها فى الكوتاب بدرية ست لا يزيد عمرها عن 35 سنة بتنادى عليها الشيخة وبتقولها :
محفظتيش ليه يابدرية
بدرية ترد :معلش والنبى يا شيخة سعدية اصل الغسيل كان كتير اوى امبارح وكمان العيال كنت بطبخ لهم لقمة علشان ياكلوها

الشيخة ترد :قالت لها يعنى الطبيخ والغسيل اهم من قرأن ربنا انك تحفظيه يا بت

بدرية ترد : معلش يا شيخة سعديه النوبة الجاية هاجى حافظه

الشيخة ترد : لما هتتمدى ع الفلكة ورجليكى تفــقـــفــق هتتعلمى ازاى تحفظى قبل الغسيل والطبيخ

تنادى الشيخة على سعاد وعواطف زملاء بدرية فى الكوتاب : بت يا سعاد .... بت يا عواطف

سعاد وعواطف يرودوا : ايوة يا ستنا الشيخة

الشيخة تقولهم : حطولى البت بدرية فـــى الفلكة و أمسكوهالى

بدرية تقول : لأ لأ لأ والنبى يا حضرة الشيخة حرمت والنبى هاحفظ سايق عليكى النبى بكرة هاجى حافظة الأية كلها صم بس بلاش الفلكة

والشيخة تقول: ياللا يابت انتى وهيه علقوهالى ع الفلكة والستات سعاد وعواطف يرودوا ويقولوا : حاضر

يا ست الشيخة وبالفعل اتعلقت بدريه فى الفلكة وجايبين المشهد على بدريه وهيه رجليها مرفوعه فى الفلكة والأتنين الستات ماسكين الفلكة

وقامت الشيخة بالخرزانة تقوم بالعزف المنفرد على رجلين بدرية....طاخ...بدرية تقول: حرمت والنبى

2 طاخ ....وبدريه اه والنبى هاحفظ والله المرة الجاية هاجيلك حافظة...طاخ...طاخ..طاخ..والشيخة تقولها ...تحرمى متنسيش القرأن .... وترد بدرية ...اه والنبى ...هاحفظ والنبى...وتتعالى أهات بدرية....حرمت... رجلى ورمت والنبى...

وصلت لغاية 10 عصيان على رجليها وبعدين الشيخة قالت لهم

ياللا كفاية كدة فكوها

وبدرية نزلت من ع الفلكة وبتتنطط ع الأرض وبتقول أه...أى..أى ... وبتدعك فـى رجليها و تنفوخ فيهم والشيخة تقولها : علشان تبقى تحفظى ومتقوليش الطبيخ والغسيل.

والشيخة تقولهم : اى واحدة فيكم مش هاتيجى حافظة هتتمد زيها فاهمين .
ويقولوا البنات فاهمين سيتنا الشيخه

(ارجو التقييم)

دانه محمد الخميس ديسمبر 19, 2013 1:51 pm

Sami

لدي ملاحظه من فضلك

حكم قول والنبي لا يجوز من حلف بغير الله فقد اشرك لذلك جرى تنبيهك

بالنسبة للنص لا أخفيك سرا فانا ضد وجود العنصر النسائي في العمل لحرمته شرعا
لكن استبدل النساء بالرجال

وجهة نظر

اتمنى لك التوفيق

صاف الخميس ديسمبر 19, 2013 5:29 pm

مع إحترامي لك
لا أرى في ما كتبته مشهدا وإنما مجرد حوار
فالمشهد كما اعرفه يتضمن وصفا دقيقا للمكان والزمان وايضا الاحداث
وليس فقط حوارا
وشكرا

فكرة مشهد لسيت كوم كوميدى جديدة

فكرة مشهد لسيت كوم كوميدى جديدة

رد

رد: فكرة مشهد لسيت كوم كوميدى جديدة