هذه المشاركة الأولى لي و أتمنى المساعدة و لكم جزيل الشكر

يعطيكون العافية انا هاي المشاركة الأولى إلي و بتشكركون كتير على هيك منتدى رائع و مفيد أنا حابب إسأل الأستاذ سعدي إذا النص التحتاني يعتبر مشهد من مسلسل أو أكثر من مشهد و إذا كان أكثر من مشهد كم واحد من هالنوع بيلزم لتكتمل الحلقة الواحدة و إذا في ملاحظات من حضرتك يا ريت تضكرلي ياها و لك جزيل الشكر
المشهد ( 15 )
المكان : مكتب بشير
الزمان : نهارا
الشخصيات : بشير - السكرتيرة
بشير يجلس في مكتبه يكتب على بعض الأوراق
الباب يطرق طرقة خفيفة ثم يفتح و تدخل السكرتيرة و هي ترتدي فستان قصير
السكرتيرة تمشي باتجاه مكتب بشير و تمش بدلع
بشير ينظر إلى السكرتيرة من رأسها حتى قدميها و يبتسم
السكرتيرة تصل إلى طاولة مكتب بشير و تجلس على المكتب و قدميها للأسفل و تبتسم
بشير ينظر إلى السكرتيرة و يبتسم
بشير : شو هاد ياعمي شو هاد أي نيالو صاحب النصيب
السكرتيرة تضحك بصوت عالي
السكرتيرة :يعني ما بتعرف مين صاحب النصيب ما ؟ السكرتيرة
بشير يبتسم
بشير : يتهنى مين ما كان يكون
السكرتيرة تبتسم
السكرتيرة : كأنك إتأخرت اليوم ما ؟
بشير يبتسم
بشير : كان عندي شغل و كان لازم شوف نور اليوم
السكرتيرة تبتسم
السكرتيرة : يتهنى اللي بتحبو
بشير يبتسم
بشير : شو عندك اليوم يا أمورة ؟
السكرتيرة تبتسم و تتكلم بدلع
السكرتيرة : ما في عندي شي ليش ؟
بشير يبتسم
بشير : شو رأيك شوفك اليوم ؟
السكرتيرة ترفع قدميها على الطاولة و تضع قدم فوق قدم
بشير يبتسم و ينظر إلى قدميها
السكرتيرة تبتسم
السكرتيرة:حاسستك أول مرة بتشوف رجلين وحدة
بشير يبتسم
بشير : بس إنتي رجليكي غير كل الرجلين و أنا كتير مشتئلك و لازم شوفك اليوم . شو إلتي ؟
السكرتيرة تبتسم و تقترب من بشير و تضع يدها على خده
السكرتيرة: أي ليش أنا بئدر إرفض طلب للباشا
بشير يسند ظهره إلى الكرسي و يبتسم
بشير : بتعرفي ليشب تعجبيني ؟
السكرتيرة تبتسم
السكرتيرة: ليش ؟
بشير يبتسم و هو يسند ظهره
بشير : لأنك الوحيدة بهالعالم اللي فهمت عليي و بتلئطيها عالطاير
السكرتيرة تبتسم
السكرتيرة: تلميذتك يا باشا و بتعرف التلميذ الشاطر لازم يتعلم كل شي من إستاذو و إذا ما إدر يتعلم كل شي معناها لح يكون تلميذ مانو نجيب
بشير يقترب من السكرتيرة و يضع يده على طرف شعرها
بشير : و إنتي طلعتي تلميذة نجيبة عن حئ و أنا من عندي بشهدلك بهالشي
السكرتيرة تبتسم و تبعد رأسها عن يد بشير
السكرتيرة:ما إلتلي كيفو السيد نور ؟
بشير يبتسم و يعيد و يسند ظهره على الكرسي
بشير :منيح غير شكل و مكيف كيف حتى أنا إشتهيت كون محلو
السكرتيرة تبتسم
السكرتيرة : أنا بدي أعرف كيف إدرت تطالعو من السجن ؟
بشير يبتسم
بشير :لسا هلأ عم بشهدلك إنك تلميذة نجيبة شو الأصة ؟ شايفك بلشتي تسألس ؟
السكرتيرة تبتسم
السكرتيرة:بعرف إنك آدر تعمل اللي بدك ياه بس أنا كتير مستغربة إنك كيف إدرت تفك حبل المنشئة عنو و هاد شي صعب كتير
بشير يبتسم
بشير:بتعرفي الباشا لما بدو شي بجيبو حتى لو بدو يتحدى العالم كلو أو ليكون عندك رأي تاني بهالشي ؟
السكرتير تبتسم
السكرتيرة:أكيد ما لح يكون عندي رأيي تاني بهالشي لأني بعرفك و بعرف طبعك و بعرف كيف بتفكر و كيف بتعمل اللي بدك ياه و ما حدا بيئدر يوئف بوجهك
بشير يبتسم
بشير:شفتي ؟ هاد هو السبب
السكرتيرة تبتسم
السكرتيرة:شكلك مانك حابب تئلي كيف إدرت تطالعو ؟
بشير يبتسم
بشير:ليش مركزة عهالموضوع مع إنو كتير بسيط و مانو صعب و مبين للكل
السكرتيرة تبتسم
السكرتيرة:طيب ع راحتك طيب نور وينو هلأ ؟
بشير ينظر إلى السكرتيرة
بشير :نور بخير و بمحل منيح
السكرتيرة تتفاجأ
السكرتيرة:بعرف إنو منيح و بمحل منيح بس وينو ؟
بشير ينظر إلى السكرتيرة و يبتسم
بشير:شو بدك بهالموضوع هلأ ؟
السكرتيرة تبتسم و تغمز بشير بعينه
السكرتيرة:كمان هاي شغلة سرية و ما بصير أعرفها و لازم تخبيها عليي ؟
بشير يبتسم
بشير:إتفئنا اليوم ع موعدنا ؟
السكرتيرة تبتسم و تغمزه بعينها
السكرتيرة:بدك تتهرب ما ؟ طيب أنا ما لح إضغط عليك و لح كون ناطرتك اليوم
بشير يبتسم
بشير:تسلميلي لو بتعرفي أديش مشتئلك ؟
السكرتيرة تبتسم

السكرتيرة:و أنا مشتائتلك أكتر صرلي زمان ما شفت بشير باشا بكامل أوتو
بشير يبتسم و يقرب وجهه من وجه السكرتيرة
بشير:اليوم لح تشوفي 64 حصان
السكرتيرة تضحك بصوت عالي
بشير يبتسم
بشير:تؤبشني هالضحكة شئد مشتئلها
السكرتيرة تتوقف عن الضحك و تنظر إلى بشير
السكرتيرة:في شغلة وعدتني فيها و ما نفذتلي ياها
بشير يتفاجأ و يبتسم
بشير:انا ؟ شو هيي ؟ هلأ بنفذلك ياها
السكرتيرة تنظر إلى بشير و تتكلم بدلع
السكرتيرة:عأساس بدك تخلصني من أدهم ؟ هاد دابئني و مكرهني حالي
بشير ينظر على السكرتيرة
بشير:و حياتك خلص ما لح خليه بئا يزعجك
السكرتيرة تبتسم
السكرتيرة:لأنو بصراحة كل يوم بدئلي و أنا ما بحبو يعني أنا لولاك ما كنت خليتو يئرب عليي لأنو كتير غليظ
بشير يبتسم

بشير:أخدتي منو السيارة ما ؟
السكرتيرة تبتسم
السكرتيرة:طبعا أخدتها و إلتلك من أبل عنها
بشير يبتسم
بشير:خلص لح خلصك منو و لح ترتاحي من إزعاجاتو و ترجعي بس إلي
السكرتيرة تتمدد على طاولة المكتب و تبتسم
السكرتيرة:شكرا يا باشا هاد اللي كنت متوئعتو منك
بشير يبتسم و يهز رأسه

كبداية فهى جيدة جدا .. ولكن هناك عدة ملاحظات منها :-

1 – لا يجب أن تكتب كلمة (( المكان )) ثم (( مكتب بشير )) .. ولكن يكفى أن تكتب (( مكتب بشير ))

2- نفس الملاحظة الأولى ولكن عن الزمان .. يكفى أن تكتب (( نهار ))

3 – لا تكتب كلمة (( الشخصيات )) ولكن تكتب أسماء الشخصيات فى كل مشهد يشاركوا به

4 – بالنسبة للإماءات أو ردة فعل الشخصيات فأنا تكتب (( تيتسم .. أو يبتسم )) كثيرا جدا أو يكاد يكون قبل كل حوار للشخصيات .. يجب أن تغير من إماءات الشخصية حسب الموقف الذى يتحدثون عنه وحسب تقبل الشخصيات للموضوع حسب النساق الدرامى

أما بالنسبة لسؤالك .. إذا النص التحتاني يعتبر مشهد من مسلسل أو أكثر من مشهد ..؟؟

أكتبه على الورد بطريقة الجدولة وستعرف .. صفحة الورد تساوى دقيقة تقريبا .. ويلزمك مابين 40 إلى 45 صفحة لكل حلقة

شكرا للاخ محمد الاسكندراني .. لابداء الملاحظات المفيدة ..
البداية جيدة يا متيم ... وهناك سلاسة وانسياب جيد في الحوار ... ولكن عليك التفكير في النقاط التي اخبرك عنها محمد الاسكندراني ... من الضروري اتباع الشكل التلفزيوني او السينمائي للسيناريو .. لان المكتوب هنا هو شكل النص المسرحي ...

ولك التقدير كله والتمنيات بالتقدم ..

عزيزي هكذا يكتب رأس المشهد :
المشهد15:................. مكتب بشير................. نهار / داخلي
أو :
المشهد15:.................. ن / د ................... مكتب بشير
ن : تعني نهار
د : تعني داخلي
ومن ثم تكتب وصف المشهد، ويجب أن يكون بالفعل المضارع، ولا يجب أن تستخدم الفعل الماضي.
يعني : يجلس، ينهض، يكتب، يدخل، يسير، يركب... وليس جلس ، نهض، كتب إلخ.
تحياتي