ارجو التقييم وبسرعة من فضلكم

ارجو تقييمكن لمشهد من عملي الذي سوف اقدمه لاحقا انشالله.......وارجو تقييمك أستاذي سعدي البريفكاني





م474/نهاري خارجي الحارة ابوكامل....
ابوكامل جالسا في الخارج ..وكامل يعمل بتقطيع اللحمة للزبون الذي يقف جانبا ....وصوت الطقطقة يسمع بوضوح من كامل الذي يعمل عمله..كامل ينتهي من تقطيع اللحمة ويضعها بكيس ورق ويقدمها للزبون بأستياء...وملل...

كامل:تفضل عمي...
الزبون:الله يزيد فضلك...تفضل...
كامل:انشالله معوضين..

كامل يترك الملحمة ويمضي الى جانب والده المستاء بشدة .....
كامل يجلس على الكرسي..
كامل واضعا يده على قدم ابيه..بداعي المسايرة
كامل:شبك يابي...ليش هيك مالك على بعضك..
ابوكامل بأستياء واضح على وجهه...
ابوكامل:لك شلون بدك ياني كون على بعضي ....على المصايب يلي ما عم تهدي على راسنا
كامل:والله معك حق يابي...بس الله كبير..
ابوكامل وهو عابثا بشدة...
ابوكامل:لك مو حارق قلبي ....غير هالتلت ليرات دهب....منين بدي دبرهن مالي عرفان
كامل مستفسرا بعبث...
كامل:يعني شوبدك تساوي اذا ما معك...تدفع
ابوكامل بتحسر...
ابوكامل:مالي غير بيع البيت يابي.....البيت
كامل بعصبية...
كامل:شو عم تحكي يابي....ولحنى شو بدو يصير فينا....
ابوكامل بشهامة وصوت رجولي...

ابوكامل:ربك اعلم.....لكن ما ندفع...ونترك عيلتنا تتشنطط ....يلعن المصاري ...بتروح وبترجع...بس شرفي وعرضي ما بروح وبيرجع....
كامل مسايرا ابيه...

كامل:والله عم تحكي مظبوط.....طيب ما في حدا يدينك ياهن يابي...
ابوكامل:مين معوا هالأيام تلت ليرات يابي......قلي مين معوا...
كامل:والله ما حدا....

ابوكامل واثقا من نفسه...
ابوكامل:ويلي معوا...بكون طامرهن.....بهالأرض
كامل بتحسر....
كامل:خوفا من الحرمية ...ما هيك يابي...
ابوكامل منبها كامل...
ابوكامل:معلوم يابي....انت هلق عايش بوقت ماحدى معوا ياكل....
كامل:ألله يفرج على العباد....
ابوكامل:امين يا رب.....
كامل:ما في شي يابي...ما يخلينا ندفع....
ابوكامل:والله ما في...واذا في بكون صعب كتير.....لأنو بدو يصدر والي الشام فرمان بهالشي.....لحتى تنعفى حارتنا من دفع هالغرامات....
كامل بتفائل....
كامل:الله كريم..بركي هيك الله بتوهلن..رأيم ويصدروا فرمان بالعفو...
ابوكامل:انشالله يا رب..

الناس تتجول ووجوهها يملئها الكئب والعبس والغضب جراء المصايب التي تتهافت عليهم بكثرة.....
قطع

اين التقيم يا شباب.... ولا ما عندكن رد...تقولوا...

ما كتبت جيد من ناحية الوصف و الحوار لكن ما كتبته على الشكل لا يعتبر سيناريو بل سرداً عاديا عليك العودة لطريقة كتابة السيناريو و شكله في المنتدى
فلا يوجد فيما كتبته رقم للمشهد أو مايدل على بدايته و نهايته ، وليس منسقاً بشكل جدول من ثلاث أعمدة يكون الأول فيها للصورة و الأخير للصوت و الأوسط لاسم الشخصية ، و ليس هناك ما يدل على الزمان و المكان
تقبل تحياتي ............

جميل ... ما شاء الله